معاني و استخدام كل حاجه في الميك اب

- بليز متنسوش التقييم يا بنات

- الموضوع فيه معظم ادوات التجميل بالانجليزي و معناها بالعربي و استخدامها باختصار 
- و هي مرتبه حسب الاستخدام

*معانى كلمات شائعة بالانجليزي

جليتر = لمعة
شيمر = لمعة خفيفة (الصفه منها شيمري او شيمرينج)
مات = بدون لمعة
تان tan = اسمرار من الشمس
كونتور = تحديد ملامح الوجه
لوك = مظهر

معاني و استخام ادوات الميك اب :

*اساس الوجه و العيون*

1 برايمر
اسم مشتق من فعل برايم و معناه تحضير
فالبرايمر هو مستحضر لتحضير البشره قبل وضع المكياج
و عادة بيبقى شفاف او نفس لون البشره
و في برايمر خاص للعيون و دا بيثبت الشادو لمده اطول و بيظهر لونه اكتر
و في خاص للوجه كله و بيثبت المكياج لمده اطول

2 بيس
ومعناها قاعده او اساس
و هي بتستخدم كأساس او قاعده بنحط فوقها المكياج
و فيها منها للعين او بمعنى تاني هو بيبقى شادو كريمي ابيض بنحطه كأساس او بيس عشان يظهر الوان الشادو اكتر
في منها للوجه كله و دي بتبقى الوان احمر(زهري) - بنفسجي - اخضر ... الخ و كل حاجه و ليها استخدام
احمر : (عشان تداري الحبوب)
بنفسجي : (تستخدم في التفتيح و الاضاءه)
اخضر : (تستخدم في معادلة الاحمرار)

3 كونسيلر
مصحح العيوب
في منه سائل و كريم
و هو بيتحط على الاماكن اللي فيها عيوب فقط مش على الوجه كله (لأنه تقيل)
و ميزته انه تقيل و بيستمر مده اطول
و في منه الوان كتيــــــر
درجات لون البشره الغامقه و الفاتحه بتستخدم في الكونتور (تحديد و ابراز ملامح الوجه)
الالوان زي الاخضر و الاصفر و البنفسجي بتستخدم في انها تداري العيوب
الاخضر (معادلة الاحمرار)
الاصفر (تخفي الهالات السودا)
البنفسجي (تفتيح البقع الداكنه)

*مساحيق تجميل الوجه* 

face make up 

4 فاونديشن 
بيستخدم على الوجه كله لتوحيد اللون و ليس اخفاء العيوب
و في منه سائل - كريم - بودر
البودر فونديشن : هو كريم و بودر في نفس الوقت
يستخدم فونديشن اويل فري oil free (اساس مائي خالي من الزيوت) للبشره الدهنيه

5 بودر 
أ- مات بودر (بدون لمعة) :
في منها انواع (بودره مائيه - بودره مضغوطه - بودره سايبه)
بودره مائيه : ميزتها انها بتستمر مده طويله و تغطيتها عاليه جدا (تستخدم في المناسبات لضررها على البشره) و بتتحط لوحدها بدون كريم تحتها
كومباكت بودر(البودره المضغوطه) : بتتحط بعد كريم الاساس لتثبيته و ليها تغطيه متوسطه و مناسبه للبشره الدهنيه اكتر
لوس بودر (البودره السايبه) : بتتحط بعد كريم الاساس لتثبيته و بتبقى خفيفه عادة لذلك تستخدم للبشره الجافه اكتر

ب- شمرينج بودر(البودره المضيئه) : 
بودره فيها لمعة خفيفه بتستخدم في اضافة اضاءه للوجه

6 البلاشر 
بلاشر بالانجليزي = روجاجو بالفرنساوي = احمر خدود بالعربي
البلاشر هي صفه مشتقه من الاسم بلاش و معناه احمرار الوجه
يستخدم لاضافة مظهر حيوي و نضاره للبشره
يوضع على الخدود عادة و احيانا الانف و الدقن
في منه الوان و درجات كتير احمر - زهري - برتقالي(اورانج) - وردي - بمبي(بينك)
في بلاشر كريمي و دا بيستمر مدة اطول (و يفضل اننا نحط بعده بودر عشان مش يسيح)
و في بلاشر بودر و دا الشائع
و في منه الشيمري و المات

7 البرونزر 
برونزر بالانجليزي = برونزاج بالفرنساوي
الصفه برونزر مشتقه من الكلمه برونز و معناها اللون البرونزي
هو زي البلاشر البني
و في منه مات و شيمري
و بيستخدم في اعطاء لون برونزي للبشره (تان tan)
و يوضع على الاماكن البارزه في الوجه (الاماكن اللي الشمس توصلها اولاً) الجبهه - الانف - الخدود - الدقن
و احيانا يوضع بطريقه تانيه لاستخدامه في الكونتور

*العيون*

1 آي شادو eye shadow 
آي = عين
شادو = ظل
يعني الآي شادو هو ظل العيون او ظل الجفون
في منه عدد غير حصري من الالوان
و في منه المات و الشيمري و الجليتري
اما الانواع فهي شادو كريمي - شادو مائي - شادو مضغوط - شادو سايب
الشادو المائي : صعب الاستخدام لذلك يستخدمه المحترفون فقط
الشادو الكريمي : سهل الاستخدام و خاصة للمبتدئين

2 البيجمنت 
مشتق من كلمة بيجمنتيشن و معناها صبغه
بيكون سايب و عادة بتكون ليه لمعة شيمر تقيله نوعا ما
و هو من احسن انواع الشادو لأن لونه تقيل و غني جدا
ولاكن المشكله في استخدامه انه مش بيثبت غير بمثبت المكياج fix
طريقة الاستخدام كشادو للعين
بنحط شويه من الفكس على الفرشه و بعدين بنحطها في البيجمنت و بنرسم بيه على العين
ملحوظه : البيجمنت له استخدمات تانيه كتير غير الشادو زي على الخدود و الشفايف و الشعر
(اشهر حاجه فيه البيجمنت الابيض من ماك -ماركة MAC- للاضاءه تحت الحاجب او عضمة الخد)

3 آي لاينر 
eye liner = محدد العيون (الكحل)
في منه الوان كتير
انواعه :
قلم = آي لاينر بينسل = eye liner pencil
جل لاينر gel liner بيستخدم بفرشه
لاينر سائل = liquid eye liner بييجي بالفرشه بتاعته
ديب لاينر : زي الآي لاينر السائل بس اسهل في الاستخدام لانه بيبقى بسن (فرشه ناشفه مدببه)
و في جليتر لاينر : اي لاينر ملون بيلمع

4 الماسكرا 
(كحل الرموش) في منها الوان الاسود - البني - الازرق ........

* الحواجب * 

حواجب =آي براوز eyebrows 
حاجب = brow
في مساحيق كتير لتجميل الحواجب
زي الشادو و بيستخدم بفرشه صغيره او فرشه مشطوفه (مايله) لمظهر (لوك) حاد اكتر
و في الآي برو بنسل = قلم الحواجب
و في جل الحواجب eyebrows gel بيبقى شفاف او بلون و بييجي عادة بفرشه شبه الماسكرا

 *الشفايف*

1 ليب لاينر 
lip liner = محدد الشفاه
عادة بيكون قلم بينسل
الوانه عادة بتكون درجات الاحمر و البمبي و البرتقالي و البني2 ليب ستيك 
بالانجليزي ليب ستيك lip stick = بالعربي قلم احمر الشفاه = بالفرنساوي روج rouge 

3 ليب جلوس 
lip gloss = ملمع الشفاه
في منه شفاف و في منه الوان
في منه مات و شيمري و جليتري

- تم بحمد الله
- متنسوش التقييم بليز

يابنات يابنات 

رسالة أحدث رسالة أقدم